Калиду Кулибали, репрезентативецот на Сенегал и еден од клучните играчи на Наполи, е новогодишната желба на Микел Артета. Шпанскиот стратег го стави Кулибали на врвот на листата потенцијални зимски ангажмани за Арсенал, но Топчиите ќе треба добро да се потрошат за неговите услуги.
Како што е познато, Наполи во текот на минатото лето одбиваше понуди и до 100 милиони евра за Кулибали, но откако ѕвездите на клубот влегоа во расправија со претседателот Де Лаурентис, кој се закани со тотална распродажба на играчите, цената може да се намали.
Откако стана член на Наполи во 2015 година, Кулибали запиша над 230 настапи за актуелниот италијански вицепрвак.
