Македонскиот фудбалер Горан Пандев наместо за опстанок, можеби ќе добие шанса да се бори за титулата во Серија А, но услов е преговорите кои ги почна Интер со него и Џенова да завршат успешно.
Тренерот на Нераѕурите, Антонио Конте, сака да ја засили конкуренцијата во нападот и покрај Лукаку, Лаутаро Мартинес и Алексис Санчес, да го придодаде и Пандев, кој е член на Џенова. Оваа „last minute“ понуда за Пандев изненади многумина. Пандев во 2010 година со Интер освои ЛШ, а потоа во 2011 си замина.
Иако има 36 години, струмичанецот сезонава покажа дека има квалитет, даде пет гола на 18 меча и можеби идеално би било кариерата да ја заврши во клубот со кој ги постигна најголемите успеси. Во следните часови ќе се знае расплетот и дали е можен камбек во Интер.
