Челзи му го нанесе третиот пораз на Ливерпул само за 14 дена во кој Црвените не постигнаа ниту еден гол и претрпеа елиминација во осминафиналето во ФА купот. За избраниците на Јигрен Клоп работите тргнаа надолу по поразот од Атлетико Мадрид со 1-0 во Лигата на шампионите. Изминатиов викенд го претрпеа и првиот пораз во Премиер лигата од Ватфорд со 3-0, а вечерва на „Стемфорд бриџ“ резултатот од 2-0 беше кобен за нив.
Дербито во петтото коло, или осминафиналната фаза, ги оправда сите очекувања бидејќи двете екипи тргнаа фуриозно и се препуштија на нападите. По неколку одлични интервенции, Адријан не можеше да го спречи силниот удар на Вилијан во 13-тата минута, а потоа Баркли во 64-тата минута ги постави конечните 2-0.
https://twitter.com/EmiratesFACup/status/1234932379401281536
https://twitter.com/EmiratesFACup/status/1234950281470914561
