Еспањол претходно во сезоната само еднаш успеа да ја израдува домашната публика со победа, а веднаш по пандемијата со корона-вирусот каталонскиот тим успеа да го запише вториот триумф на домашен терен. Избраниците на Абелардо со сигурни 2-0 го совладаа Алавес, како доказ дека паузата од три месеци беше во полза на Еспањол.
Голманот на Алавес Фернандо Пачехо, направи непромислена грешка и по само дваесетина минути игра го заврши мечот поради директно исклучување, па Еспањол протифитираше со играч повеќе на теренот. Пред паузата Бернардо погоди за 1-0, за веќе по две минути игра во вториот дел Ву Леи да го зголеми водството и со својот гол да ги осигура бодовите за домаќините.
Еспањол и по ова коло ќе остане на дното на табелата, но со 23 бода, додека Алавес засега е на 14-тат позиција со 32 бода.
https://www.dailymotion.com/video/x7ug75l
