Германскиот „Билд“ објави интересна информација за можен трансфер на Роберт Левандовски во Манчестер јунајтед веќе ова лето.
Кралот на стрелците во Европа гази со голови и е во топ-форма, но не е задоволен од условите што му ги нуди Баерн за продолжување на договорот, па ако не дојде до договор, веднаш ќе реагираат Црвените ѓаволи од Англија, објави „Билд“, а пренесуваат и англиските медиуми.
Manchester United 'are readying a summer move for Robert Lewandowski' https://t.co/qBidK46rJ1
— MailOnline Sport (@MailSport) March 9, 2022
Левандовски би бил огромно засилување за најтрофејниот англиски клуб, кој се доведе во ситуација да нема класичен шпиц.
Кавани не игра, а моментно Кристијано Роналдо најчесто ја има улогата на главен напаѓач, иако тоа не е негова позиција, а веќе има и 37 години.
Левандовски е четири години помлад и сè уште игра во топ-форма, а завчера стана и сопственик на најбрзиот хет-трик во историјата на Лигата на шампионите кога постигна три гола од 12-тата до 23-тата минута во победата на Баерн против Салцбург со 7:1.
