Трката во генералниот пласман на Спортска прогноза сѐ понеизвесна

Вецка Ѓорѓиева и по третото коло е на врвот во генералниот пласман на Спортска прогноза. Ѓорѓиева во последното коло погоди пет парови, па сега има вкупно 25 точни прогнози по три кола, но позицијата не ѝ е сигурна бидејќи Горан Крстев имаше поуспешна прогноза во ова коло, погоди осум парови и сега е на второто место вкупно со 24 точни прогнози, само една помалку од Вецка.

За разлика од минатото коло, има измени на третата позиција, која сега му припаѓа на Филип Талевски. Талевски направи голем скок на табелата откако во третото коло имаше шест точни прогнози, па со вкупно 22 точни прогнози од осмото место влезе во топ 3. Сепак, тој не е сам на третото место, бидејќи идентичен број точни прогнози имаат и Александар Данилов, Весна Пачемска и Бобан Јакимовиќ. Ова ветува возбудлива и неизвесна трка, која ќе заврши со конечен поредок во Генералниот пласман на осми мај годинава.

По ова коло, бројката на учесници во Генералниот пласман значително се зголеми. Се прикчучија 177 нови прогнозери, односно вкупно 925 учесници се борат за примамливите награди. За прво место наградата е MI електричен тротинет, а втората позиција носи награда велосипед Capriolo. Понатаму, сè до пласманот до петтата позиција, ќе се наградува со ваучери од 1.000, 500 и 300 денари.

Во продолжение проверете го својот и пласманот на сите учесници во наградната игра „Спортска прогноза“ и учествувајте во континуитет, секое коло, за што подобра позиција во Генералниот пласман.

Напомена: Во трката за Генерален пласман се сметаат и погодените резервни двојки.

ПЛАСМАН ПО ТРЕТО КОЛО: