Шпанија заслужено ја победи Англија со 2-1 во финалето на Европското првенство и стана најтрофејната европска земја со четири шампионски трофеи. На прославата во хотелот на Шпанците во улога на шоумен беше дефанзивецот Марк Кукуреља, кој беше оспоруван, но беше една од клучните алки со составот на Луис де ла Фуенте на патот до титулата.
Фудбалерот на Челзи долго трпеше критики, Гери Невил изјави дека Шпанија не може да биде европски шампион додека игра Кукуреља, па затоа англиската легенда доби специјален поздрав на прославата.
„Отидовме до крајот Гери, ти благодарам на поддршката“, беа зборовите за Марк Кукуреља.
Este tío es ya una leyenda de España. Los niños van a aparecer en el colegio con su peinado pic.twitter.com/dRrRu9qjSL
— Kilgore (@billkilgore_) July 15, 2024
Шпанецот видно возбуден од големиот успех имаше порака и до своите сонародници.
„Се надевам дека стапката на наталитетот ќе порасне за девет месеци бидејќи е многу ниска во Шпанија. Не знам дали утре Јамал има испит, но ако му дозволат, може да се забавува со нас“, кажа на микрофот Кукуреља.
Дефанзивецот на Челзи е производ на академијата на Барселона, од каде што беше праќан на позајмици во Еибар и Хетафе, каде што го откупија неговиот договор за 11,8 милиони евра. Само една година подоцна Брајтон го купи за 18 милиони евра, а потоа го продаде на Челзи за неверојатни 65,3 милиони евра.
