Милан и Јувентус одиграа без голови, во дербито на 13 коло од италијанската Серија А. Клубовите кои заедно имаат освоено 55 титули во домашното првенство, вечерва одиграа досаден меч без многу шанси, па не е изненадување што на крајот немаше голови.
Домаќинот Милан не упати ниту еден шут во рамките на голот на гостите, а Јувентус кој имаше повеќе посед на топката, изведе повеќе корнери, имаше повеќе шутеви, на крајот освои само еден бод. Старата дама останува единствениот тим сезонава во Серија А без ниту еден пораз (шест победи и седум нерешени).
По ова реми Јувентус останува на шестото место со 25 бодови, додека Милан е седмопласиран со 19 бодови. Лидерот Интер кој има 28 бодови, убедливо со 5:0 победи на гости кај Верона.
