Манчестер сити конечно го претстави аргентинското чудо од дете, Клаудио Ечеверија, кој за Граѓаните потпиша пред повеќе од една година, но веднаш беше позајмен во Ривер плејт. Сити за него плати 18,5 милиони евра, а Пеп Гвардиола сега добива опција плус во офанзивата.
Special delivery 🇦🇷 pic.twitter.com/TS8vZFgvH6
— Manchester City (@ManCity) February 27, 2025
„Не можам да опишам колку сум возбуден што сум тука во Манчестер и што конечно можам да кажам дека сум фудбалер на Манчестер сити. Фудбалот е мојот живот, а мојот сон е да играм за еден од најдобрите европски клубови. Денес сум уште поблиску до тој сон. Манчестер сити е една од најдобрите екипи во светот. Не само што освојуваат трофеи, туку играат и многу добро. Тие се пример за сите, им покажуваат на луѓето како се игра фудбал на најдобар можен начин“, рече Ечеверија на претставувањето.
