Долгогодишниот член на Реал Мадрид, Џејси Керол, ја продолжи соработката со актуелниот европски првак до 2020 година. Американскиот бек го носи „кралскиот“ дрес од 2011 година, откако го напушти тимот на Гран Канарија, и одлучи да ја докаже својата верност кон клубот со нов двегодишен договор.
Керол во последните неколку сезони се истакна како еден од најдобрите поентери на клубот, благодарение на неговиот квалитетен и прецизен шут. Минатата сезона бележеше висок процент за шут за три поени од 45,8%, додека придонесуваше со 9,4 поени по натпревар во европското натпреварување.
Во неговиот престој во Мадрид, тој освои 16 трофеи со „кралевите“, меѓу кои и две титули во Евролигата, од кои едната титула ја освои минатата сезона.
