Манчестер јунајтед потврди девет позитивни случаи на ковид-19 по последните тестирања во клубот. Два дена по пријателскиот меч против новиот премиерлигаш Брентфорд, корона-вирусот го вклучи алармот во таборот на Црвените ѓаволи, по што заразените членови, неколку фудбалери и дел од стручниот штаб, се сместени во самоизолација.
Според здравствениот протокол, Јунајтед ја откажа контролката против Престон, која требаше да се одигра утре, па на 20-кратниот англиски првак му преостанува уште еден подготвителен меч против Евертон на 7 август, пред стартот на новата сезона во Премиер лигата.
As a precautionary measure based on COVID protocols, our pre-season friendly against Preston North End on Saturday has been cancelled.#MUFC
— Manchester United (@ManUtd) July 29, 2021
Тимот на Оле Гунар Солскјер не се покажа во најдобро издание досега во подготовките, со оглед на тоа дека дел од првотимците неодамна се приклучија на екипата, а неколку ѕвезди, како и новите засилувања Санчо и Варан, допрва треба да се појават во клубот.
Јунајтед со обврските во англиското првенство стартува на 14 август против Лидс во првото коло на домашен терен.