Тренерот на Милан, Масимилијано Алегри, изјави дека Кристијан Пулишиќ ќе ја задржи својата улога како главен изведувач на пенали во тимот и покрај тоа што синоќа утна од пенал во дербито против Јувентус.
Милан ремизира 0-0 против Старата дама во натпревар во кој Пулишиќ промаши од белата точка и тоа беше првпат во неговата кариера да не постигне гол против Јувентус.
„Пулишиќ отсекогаш бил изведувач на пенали. Тоа не се менува поради една грешка. Треба да одлучиме кој треба да биде изведувач кога Пулишиќ нема да биде на теренот“, изјави Алегри.
Милан имаше уште една голема шанса да постгне гол, но Рафаел Леао не ја реализира.
„Леао е уште надвор од ритам по паузата од 45 дена. Потребен ни е, сакаме брзо да се врати во форма. Играч како него требаше да постигне гол во најмалку една од двете ситуации кои ги имаше, мора да биде убоит и да стане играч кој решава натпревари“, додаде Алегри, кој се врати во Торино, каде што работеше осум години, овојпат како шеф на Милан, а против неговиот ексклуб Јувентус, каде што има многу пријатели.
