Алжир го елиминираше Брегот на Слоновата Коска по изведување на пеналите во четвртфиналната пресметка на Афкон. Двете селекции беа неразделни по регуларните 90 минути, во кои резултатот беше 1-1, а откако победникот не се доби ни во дополнителните 30 минути, беше јасно дека следува пенал-рулетот.
Прво Фегули донесе предност за Алжир откако ја затресе мрежата на Слоновите во 20-тата минута, а Коџа израмни дури по еден час игра. Претходно Алжир пропушти шанса да дојде до 2-0, Бунеџах утна пенал во 48-мата минута, но сето тоа се заборави по пенал-серијата, во која репрезентативците на Алжир шутираа без грешка сè до петтата серија, додека Бони и Дие се трагичарите на БСК.
Алжир во полуфиналето ќе се сретне со репрезентацијата на Нигерија, додека Сенегал го чека противникот во второто полуфинале, а ќе го добие по мечот меѓу Мадагаскар и Тунис, кој моментално се игра.
https://streamable.com/h2nne