Јоаким Андерсен објави околу 400 пораки што му биле испратени по инцидентот со Дарвин Нуњес, кога играчот на Ливерпул беше исклучен, а фудбалерот на Кристал палас успеа да го испровоцира Уругваецот да го удри со глава.
Ливерпул остана со 10-мина играчи и не победи, а навивачите на англискиот гигант беа бесни, најмногу на Андерсен, кого го сметаат за провокатор и главен виновник во инцидентот, иако тој не удри, туку беше удрен.
Му испраќаа пораки со омраза, дури и смртни закани, а Андерсен не се исплаши, напротив објави околу 400 пораки со кои е навредуван вербално, а само еден човек му се извини.
„Јас сум страстен навивач на Ливерпул и збеснав по исклучувањето на Нуњес. Да, во налет на нервоза го навредив Андерсен, но знам дека не е виновен и му се извинувам“, изјави за данската ТВ2 еден од навивачите на Ливерпул од Данска.
Интересно е што и Андерсен е Данец, но клупската страст за фудбал не признава сонародници, релации, потекло од иста земја.
