Арсенал со 3:1 го победи Лестер на стадионот „Кинг Пауер“ и се реваншираше за поразот од пред четири месеци кога Лисиците славеа во Лондон. Почетокот на дуелот не ветуваше многу за Арсенал, затоа Лестер поведе со голот на Тилеманс по само шест минути игра.
Топчиите не се откажаа и со два гола во финишот на првиот дел направија целосен пресврт. Најпрво Давид Луиз погоди за 1:1 во 39 минута, а потоа Лаказет од пенал во 45+2 донесе предност за гостите. Сите надежи на домаќините дека може да се спасат од пораз беа срушени на почетокот на вториот дел кога Пепе го постигна и третиот гол за Арсенал.
Арсенал имаше речиси целосна контрола на мечот кој се играше вкупно 102 минути, ако се знае дека првиот дел имаше продолжување од пет минути, а во второто полувреме судиското надополнување изнесуваше дури седум минути. Лондонскиот тим со овој триумф стигна до 37 бодови и полека се доближува кон Топ 6, додека Лестер остана на 49 бодови и е трет на табелата.
За Арсенал ова беше прва гостинска победа на тим кој бил во Топ 3 на табелата по пауза од шест години. Последен пат Топчиите на гости кај клуб што бил во Топ 3 на табелата било во јануари 2015 година кај Манчестер сити кога се радуваа со 2:0.
2015 – This was Arsenal’s first away victory against a team starting the day in the top three of the Premier League table since January 2015 (2-0 v Manchester City) – they were winless in their last 14 such games coming into today (D3 L11). Test. pic.twitter.com/rCE59eFlWV
— OptaJoe (@OptaJoe) February 28, 2021
