Дресот на НБА ѕвездата Леброн Џејмс, со кој ја освои титулата во 2013 година со Мајами хит, синоќа беше продаден за 3.7 милиони долари на аукција одржана во Њујорк.
LeBron James’ 2013 NBA Finals Game 7 jersey has sold at auction for $3.68 million.
It’s Sotheby's 3rd-most expensive NBA jersey ever sold, and a record for any LeBron jersey. pic.twitter.com/WWmXVD9cNB
— Front Office Sports (@FOS) January 27, 2023
Ова е третиот најскап дрес што бил продаден на аукција организирана од „Сотбис“.
Џејмс со овој дрес настапи во седмиот натпревар од големото НБА финале против Сан Антонио спарс во 2013 година и постигна 37 поени и имаше 12 скока.
Најскапо продаден дрес на аукција на „Сотбис“ е дресот на Мајкл Џордан со кој играше во финалето во 1998 година против Јута, кој достигна цена од 10.91 милиони долари.
Веднаш зад него е дресот што го носеше Диего Марадона на Светското првенство во 1986 година, кој беше продаден за 9.28 милиони долари.
