Енис Барди одигра нешто повеќе од еден час за Трабзонспор и беше меѓу најдобрите на терен во победата против Ѓиресунспор со 3:0, а од него тргна се во 30. минута.
Актуелниот шампион на Турција поведе по одлично изведениот корнер на Барди, а не се снајдоа голманот Пири и напаѓачот на гостите Бајиќ, кој си постигна автогол.
Trabzonspor Bajic’in kendi kalesine attığı gol ile öne geçti. #TSvGRS pic.twitter.com/Xj7zSiDhQi
— Wiki Sports (@wikispors) January 5, 2023
Барди остана на терен до 62. минута, кога беше заменет со Унувар, а Трабзонспор потоа постигна уште два гола и победи убедливо.
Тежок пораз доживеа вториот македонски репрезентативец во Турција, Валон Етеми со Истанбулспор.
Адана Демирспор ги декласира на свој терен со 6:0 и ги закова на последното место на табелата во Суперлигата на Турција.
За домашниот тим за првпат како стартер цел меч одигра македонскиот стопер Јован Манев и успеа со соиграчите да не прими гол.
