Барселона го победи Алборг со 37:32 во вториот полуфинален меч од ракометниот фајнл фор и ќе игра во утрешното финале во Келн против Фуксе Берлин од 18 часот. Многу драма имаше на овој меч, а победникот мораше да се добие дури по дополнителни 10 минути игра, откако во регуларниот дел, резултатот бепе 28:28.
Израмнето беше само во првите неколку минути од почетокот на мечот кога резултатот беше 4:4. Потоа следуваше низа од четири погодоци на Барселона за водство на каталонците од 8:4 по неполни 15 минути игра. Каталонскиот гигант го одржуваше ритамот, па стигна и до пет гола предност (11:6), а на полувреме, односно по 30 минути резултатот беше 15:11.
EMIL NIELSEN saved at 50% after 15 minutes 😱 HUGE. 😮💨#ehffinal4 #ehfcl #clm #handball @FCBhandbol pic.twitter.com/cDK3mDDra8
— EHF Champions League (@ehfcl) June 13, 2026
На почетокот на второто полувреме Барселона поведе повторно со пет гола предност (17:12), но Алборг не се предаде, па во 46 минута Норвешаните намалија на само еден негатива (22:23), а во последните 10 минути резултатот беше 26:24 за каталонскиот гигант.
Алборг речиси цел меч ја бркаше негативата на противникот и на 90 секунди до крајот конечно стигна до нерешено 28:28, за драма во финишот. Резултатот не се смени и дуелот замина во продолжение.
Во продолжението Алборг поведе со 29:28, што беше нивно прво водство по тоа на стартот со 2:1. Алборг водеше и со 30:29, но потоа следуваше клучната серија на Барселона. Каталонскиот гигант постигна пет гола во серија, дел од нив беа на празен гол затоа што противникот често играше „седум на шест“ и тогаш беше јасно кој ќе победи.
Во утрешното финале Барселона ќе игра против германскиот Фуксе Берлин.
