И така беше тешко, без капитенката станува невозможна мисијата против Франција

Капитенот на македонската женска репрезентација, Наташа Андонова, нема да игра за Македонија против Франција на 22 септември во Скопје, во меч од квалификациите за ЕП.

Македонија секако е апсолутен аутсајдер, но вака мисијата да се пружи барем достоен отпор на една од најквалитетните фудбалски селекции во Европа станува невозможна мисија.

Покрај Андонова, која е повредена, нема да игра и Гентјана Рочи поради жолти картони. Тоа е огромен хендикеп бидејќи се работи за двете најискусни и најквалитетни фудбалерки во нашиот состав.

Франција е една од најдобрите женски фудбалски селекции на Стариот Континент и земја од која е и актуелниот европски клупски првак Лион.

Мечот ќе се игра на националната арена „Тодор Проески“ за шест дена од 21 часот.

Еве го комплетниот список на фудбалерки што се повикани за мечот со Франција:

ГОЛМАНКИ: Викторија ПАНЧУРОВА (ЖФК Тиверија), Магдалена ЛЕКОСКА (ЖФК СЦ Истатов), Верица КОЛЕВСКА (ЖФК Деспина);

ОДБРАНА: Ане БОШЕСКА (ЖФК Тиверија), Јулија ЖИВИЌ (ЖФК Љуботен), Христина ЈОШЕВСКА (ЖФК Каменица Саса), Павлинка НИКОЛОВСКА (ЖФК Каменица САСА), Даниела ВЕЛЕСКА (ЖФК Деспина), Ивана НИКОЛОВА (ЖФК Тиверија);

СРЕДЕН РЕД: Александра РИСТОВСКА (ЖФК Тиверија), Сара ВЕЛКОВА (ЖФК Тиверија), Елма ШЕМСОВИЌ (ЖФК Скопје 2014), Катерина МИЛЕСКА (ЖФК Деспина), Јана ЧУБРИНОСКА (ЖФК Деспина), Рабија ДЕРВИШИ (ЖФК Каменица Саса);

НАПАД: Теодора ДИМОСКА (ЖФК Тиверија), Ели ЈАКОВСКА (ЖФК Локомотив-Стара Загора), Кристина МОЈСОСКА (ЖФК Асс Јунајтед), Хава МУСТАФА (ЖФК Шкендија), Улза МАКСУТИ (ЖФК Асс Јунајтед);

- Оглас -

Најнови вести