Белгиската репрезентација поднесе жалба против одлуката на ФИФА за поништување на дисквалификацијата на американскиот репрезентативец Фалорин Баголун, дозволувајќи му да игра во осминафиналниот натпревар против Белгија иако доби црвен картон во 16-финалето.
Апелацискиот комитет на ФИФА има 12 члена, а претседател на Комитетот за жалби е Американецот Нил Еглстон. Тој нема да може да учествува во разгледувањето на жалбата на белгискиот тим поради судир на интереси. Потпретседател е Швеѓанецот Томас Бодстром.
Одлуката на ФИФА да го поништи црвениот картон предизвика вистинска бура во светската фудбалска јавност.
Информациите објавени од „Њујорк тајмс“ дека американскиот претседател Доналд Трамп наводно лично разговарал со претседателот на ФИФА, Џани Инфантино, пред одлуката за поништување на црвениот картон на Балогун, дополнително долеа масло на огнот.
Белгијците, кои ќе се соочат со САД во осминафиналето, имаат најмногу причини за незадоволство. Нивниот табор верува дека нивниот ривал ќе биде значително посилен благодарение на одлуката да го стават Балогун на располагање, иако првично требаше да ја отслужи суспензијата. На потег е Апелација, која треба да решава по итна постапка бидејќи мечот се игра доцна вечерва.
