Помладиот брат на ѕвездата на Реал Мадрид, Џуд Белингам, Џоби дебитираше за тимот на Борусија Дортмунд. Помладиот Белингам летово направи трансфер вреден 30 милиони евра, а дресот на Сандерленд го замени со тој на германскиот гигант.
Борусија Дортмунд е тимот во кој се афирмираше Џуд Белингам, а сега неговиот помлад брат тргнува по истите стапки. Докажаниот Џуд го носеше дресот со бројот 22, а Џоби сега е со бројката 77 на грбот. Интересно е дека Џоби реши на дресот да не го носи своето презиме, а има и причина зошто е таа негова одлука.
Jobe 7️⃣7️⃣ x 2️⃣2️⃣ Bellingham pic.twitter.com/KhQVYQXVz3
— OneFootball (@OneFootball) June 15, 2025
Џоби сака да се тргне од „сенката“ на неговиот брат Џуд, па затоа реши на дресот да стои неговото име. Џоби има 19 години и за 30 милиони евра направи трансфер од Сандерленд во Борусија Дортмунд. Неговиот две години постар брат пред две години направи трансфер во Реал Мадрид за сума од 113 милиони евра.
