Братот на Лионел Меси, Матијас, на својот нстаграм-профил ги нападна претседателот на Барселона, Жоан Лапорта, како и клубот и навивачите, но потоа се пишмани и јавно се извинуваше.
„Нема да се враќаме во Барселона. Ако се вратиме, тогаш ќе има чистка. Меѓу многуте што ќе ги избркаме ќе биде и Жоан Лапорта, кој не е свесен што ѝ дал Меси на Барселона. Каталонците се предавници. Мајка ми велеше дека Лео ќе заврши како Роналдињо, така и се случи“, се дел од тешките зборови со кои Матијас удри по Барселона.
Matías Messi: "I want to apologize for what I said. I was only making jokes to my son and his friends. How could I think that about a club so big as Barcelona, with their history and everything they did for my family and Leo. For us, Catalonia is our second home. I'm sorry." pic.twitter.com/O29i05H7ah
— Barça Universal (@BarcaUniversal) February 9, 2023
Меѓутоа, набрзо Матијас јавно се извини. Шпанските медиуми шпекулираат дека неговиот испад не му се допаднал на Лионел.
„Сакам да се извинам за тоа што го кажав и што се појави на социјалните мрежи. Само се шегував со син ми и неговите пријатели. Како би можел да помислам такво нешто за Барселона, клуб со толку голема историја и клуб кој толку многу им дал на моето семејство и на Лео? За нас Каталонија е втор дом и тоа сите го знаат. Многу ми е жал и им се извинувам на сите, пособено на навивачите на Барселона“, се извини Матијас Меси.