Напаѓачот на Лацио, Чиро Имобиле, денеска на свеченост во Рим ја прими „Златната копачка“, како најдобар стрелец во Европа за сезоната 2019/2020.
На свеченоста присуствуваа и градоначалничката на Рим, Вирџинија Раџи, и претседателот на Лацио, Клаудио Лотито.
„Досега Златната копачка ја имав гледано само на фотографии. Ова е огромна сатисфакција за мене. Горд сум, и би сакал наградата да им ја посветам на навивачите. Поубаво ќе беше ако имаше и навивачи. Благодарност до семејството кое е клучно за моите успеси, а мислам и дека целиот тим на Лацио треба да биде горд на ова. Најголемите успеси се постигнуваат со тимска работа. Јас си го исполнив сонот, ова е доказ дека секој може да ја оствари целта која ја посакува“ – рече Имобиле кој сега си посакува и европска титула со репрезентацијата на Италија.