Стружани во свој стил повторно ќе ја организираат „Трката на поезијата“ што ќе се одржи на 22 мај годинава, а регистрацијата и пријавувањето за учество се веќе во тек.
Убавиот спортски настан и пред се одлична дружба во македонскиот туристички бисер на Дрим ќе има три трки.
Главната трка е на 10 километри, рекреативната на 5 километри и детската на еден километар.
Учество на главната трка пријавија неколку реномирани атлетичари и атлетичарки меѓи кои се Билјана и Весна Кираџиеви, Александар Кираџиев, Дарио Ивановски, Игор Јакимовски, Милош Ранчиќ…
Мотото на трката веќе е познато, а стружани ве канат на убав спортски настан со „Ела да трчате со нас“.
Ќе има и награди, а пријавувањето почна на стартот од февруари, па не ги пропуштајте и попустите за пријавување во порана фаза и на 105 дена пред стартот на трите трки.
Сите детали и информации за Трката на поезијата во Струга ќе ги најдете на следниов ЛИНК.
