Некогашниот капитен на грчката фудбалска федерација, Теодорос Загоракис е избран за нов претседател на фудбалската федерација на оваа земја. Загоракис е лидерот на златната генерација на Грција од Европското првенство во 2004 година, кога станаа европски шампиони.
Загоракис беше избран за најдобар фудбалер на турнирот, а како капитен, имаше чест прв да го крене шампионскиот пехар.
Во играчката кариера, Загоракис два пати го носеше дресот на солунски ПАОК и тоа во периодот од 1992 до 1998 година, а потоа и од 2005 до 2007 година. Играше и за Лестер, АЕК и Болоња.
На денешното собрание, Загоракис доби 66 од 68-те гласови во изборот за претседател на фудбалската федерација на Грција.