Деби сезона за мерак – Елмас со Наполи во битка за куп-пехарот против Јувентус (Видео)

Елиф Елмас ќе игра за пехар во првата сезона како член на Наполи, а македонскиот репрезентативец со нетрпение ќе ја чека среда и дуелот во финалето во Купот на Италија против Јувентус.

Вечерва македонскиот репрезентативец одигра 65. минути во реванш полуфиналето со Интер што заврши нерешено 1:1. Тој резултат му одговара на Наполи, откако првиот меч во Милано го добија со 1:0.

Кристијан Ериксен со гол директно од корнер во втората минута брзо ја анулираше предноста на Наполи од првиот меч и ги врати надежите на Интер за финале.

Сепак опасниот контранапад на Наполи дојде до израз во 41. минута кога Дрис Мертенс израмни на 1:1, по одличната асистенција на Инсиње. Белгиецот го постигна 122. гол за Наполи и е клупски рекордер на тимот од Неапол со најмногу постигнати голови, пред Марек Хамшик со 121 и Диего Армандо Марадона со 115 погодоци.

https://twitter.com/RainingGoals/status/1271892397408915457?s=20

Наполи ќе игра со Јувентус во финалето во Рим на „Олимпико“ во среда на 17. јуни.

- Оглас -

Најнови вести