Денеска голманите во Серија А честат со голови, Проведел му подари предност на Јувентус (Видео)

Јувентус води со 1:0 по првото полувреме против Лацио, а голманот на гостите, Иван Проведел, со погрешна проценка му подари погодок на Мојзе Кен.

Напаѓачот на Јувентус го искористи неочекуваното излегување на Проведел надвор од шеснаесетникот и само го лобуваше голманот на Лацио во 43-тата минута.

Тројца фудбалери на Лацио се обидуваа да го спречат Кен да погоди, но Проведел му ја олесни работата со излегување далеку од голот.

Moise Kean Goal and Hits The Griddy pic.twitter.com/1TuEqlbFgM

— lmm (@lmm01525586) November 13, 2022

Претходно и на мечот меѓу Милан и Фиорентина клучна грешка направи голманот на гостите, Пјетро Терачано, кој ја промаши топката во дуел со играч на Милан во 92-рата минута, а потоа таа го погоди Никола Миленковиќ за автогол и за победа на Росонерите со 2:1. 

Голот беше потврден и со помош на ВАР, кој утврди дека немало фаул над Терачано, голман кој беше вистински трагичар за пораз на Виолетовите во последните мигови.