Кошаркарот на ЛА лејкерс, Леброн Џејмс, стана прв стрелец во историјата на НБА-лигата откако рано утрово постигна 38 поени и го надмина легендарниот Карим Абдул Џабар, кој 39 години го држеше рекордот за којшто многумина мислеа дека никогаш нема да биде урнат.
Кралот стана крал на стрелците, историјата е испишана, но историскиот момент се случи на меч на кој Џејмс и клупските другари загубија. Езерџиите беа поразени од Оклахома сити со 130-133.
Леброн во НБА влезе во 2003 година, а само еднаш беше прв стрелец во лигата. Но, континуитетот и долгото играње на високо ниво му помогнаа да го надмине Џабар и да постави нова граница за идните генерации. Никогаш не го сметаа за врвен поентер, но Леброн ќе држи рекорд кој уште долго ќе биде актуелен. Ако игра и следната сезона, Леброн веројатно ќе стане и првиот со 40.000 поени во НБА.
Инаку, на Џејмс му требаа 36 поени за да стане прв стрелец, и тоа го направи за три четвртини.
Никола Јокиќ ноќеска за три четвртини направи трипл-дабл и придонесе за убедливиот триумф на Денвер против Минесота од 146-112.
Ова е кошот на Леброн Џејмс за историја:
HISTORY.
What a moment for Bron pic.twitter.com/eT5fKDnfKC
— Bleacher Report (@BleacherReport) February 8, 2023
