Џејми Варди повторно потврди дека е најопасниот противник на Манчестер сити во ерата на Пеп Гвардиола, пак блескаше со хет-трик, а Лестер го декласира фаворитот со 5:2 на гостински терен.
Најдобриот стрелец на гостите постигна 3 гола по ред и експресно го заврте резултатот од негатива од 0:1 до 3:1 за својот Лестер.
Варди постигна и прекрасен гол со петица, изнуди и два пенали што сам ги реализираше и остана најефикасниот играч во Премиерлигата кога настапува против популарните Граѓани под команда на Пеп Гвардиола.
https://twitter.com/FutStephenA/status/1310260004251992068?s=20
Досега им даде 8 гола, над двапати повеќе од сите останати играчи во англиското првенство, кои погодувале против повеќекратниот шампион.
Џејми беше заменет во 85. минута, а Лестер постигна уште два гола и го декласира домаќинот со 5:2.
Прекрасен гол постигна и Џејмс Медисон, а со уште еден удар од белата точка Јури Тилеманс стави печат на прекрасната претстава на Лисиците против големиот фаворит.
https://twitter.com/FastGoal5/status/1310264755228225536?s=20
Головите за Манчестер сити ги постигнаа Ријад Марез во четвртата минута и Нејтан Аке во 84. минута.
