Ник Кирјос го доби драматичниот дуел против Стефанос Циципас по четири исцрпителни сета со 6-7, 6-4, 6-3 и 7-6 за пласман во топ 16 фазата на Вимблдон. За Австралијанецот ова е петта победа во вкупно шест меѓусебни средби против грчкиот тенисер.
Box office.@NickKyrgios defeats Stefanos Tsitsipas 6-7(2), 6-4, 6-3, 7-6(7)#Wimbledon pic.twitter.com/pEz7tltCOd
— Wimbledon (@Wimbledon) July 2, 2022
Во првиот сет гемови се освојуваа на сопствени сервиси, двајцата играа без грешка до тајбрејкот, кој припадна на Циципас со 7-2. Залудно Гркот поведе, Кирјос го засили темпото и ги доби наредните два сета.
По краток прекин во четвртиот сет, повторно се водеше битка која најави нов тајбрејк, подраматичен од првиот. Циципас имаше сет-топка за да израмни на 2-2, но ја испушти приликата, па Кирјос нареди три поени во низа и ја прослави победата за пласман во осминафиналето на Вимблдон.
Претходно Рафаел Надал со рутински 3-0 го победи Сонего.
