Вардар веќе втор ден се подготвува за новата сезона под водство на новиот тренер Кристијан Фабијани. Аргентинецот го наследи Гоце Седлоски, кој ја презеде селекторската функција во репрезентацијата на Македонија.
„Задоволен сум како се подготвени играчите и како се појавија на првиот тренинг. Имаме големи амбиции, зацртани цели, но ова е фудбал ќе видиме што ќе се случи во следниот период. Македонската лига е компетитивна. Лигата расте, но ние мораме со добра работа, треба да двоиме и да ги исполниме амбициите на раководството на клубот.“ – рече новиот тренер на Вардар, Кристијан Фабијани.
Актуелниот шампион на Македонија веќе в четврток се сели во Италија, каде ќе биде одработен главниот дел од подготовките за учеството во Лигата на шампионите.
„Самото доаѓање во најдобриот клуб во Македонија е предизвик за мене. Сакам да се докажам, верувам во тоа што го работам. Најважно ми е да направам една хомогена група на играчи, да бидат како семејство. Тоа го имам направено и знам дека тоа е многу важно. Верувам дека и на интернационална сцена може да имаме добар настап.“ – додаде Аргентинецот.
Фабијани исткна дека најзаслужен за преземањето на Вардар е извршниот директор на клубот, Миленко Неделковски, во кого препознал искреност и чесност.
„Најзаслужен што сум во Вардар е претседателот Миленко (Неделковски). Во фудбалот има малку искрени луѓе, јас сум таков, исто така го доживеав и претседателот Миленко и имам целосна доверба. Досега се што се имаме договорено е исполнето.“ – рече Фабијани.
