ФИФА и УЕФА ќе воведат ново правило што дополнително ќе го автоматизира фудбалот по воведувањето на ВАР-системот.
Сега од овој месец и со дуелот во Суперкупот на Европа меѓу Реал Мадрид и Ајнтрахт што ќе се игра за 7 дена, односно на 10 август во Хелсинки, ќе го промовира проектот САОТ.
Се работи за полуавтоматизирана технологија за одредување на офсајд-позиција, која се темели на технологијата на вештачка интелегенција.
Едноставно кажано, новиот систем ќе одлучува многу побрзо од ВАР-системот дали има офсајд или не во спорни ситуации со автоматско одредување на позицијата на играчите во моментот на додавањето на топката.
Досега со ВАР-системот во многу ситуации премногу долго се чека за одлука во спорните моменти за офсајд, па ФИФА и УЕФА со САОТ ќе го забрзаат процесот.
Технологијата, како што е најавено, ќе биде во употреба и на Светското првенство во Катар во ноември и декември оваа година и на натпреварите од Лигата на шампионите во Европа.
