ФИФА официјално ја објасни контроверзната ситуација од самиот финиш на натпреварот меѓу Хрватска и Португалија, кога беше поништен голот на Јошко Гвардиол за израмнување.
Во 13-тата минута од судиското продолжение Хрватите накратко се израдуваа на погодок за 2-2, но по ВАР-интервенција голот беше поништен поради офсајд.
Најголемата дилема беше дали Игор Матановиќ ја допрел топката пред таа да стигне до Марио Пашалиќ, кој се наоѓаше во недозволена позиција. Контактот беше толку минимален што од телевизиските снимки не можеше јасно да се утврди дали воопшто постоел.
According to the data provided by Connected Ball Technology housed within the @adidasfootball Trionda, the official match ball of the @FIFAWorldCup, it was proven that contact was made by Croatia's #20 Igor Matanović in the build up to the goal against Portugal, allowing the… pic.twitter.com/AyBz11N3wV
— FIFA Media (@fifamedia) July 3, 2026
Главниот судија беше повикан да ја прегледа снимката, по што донесе одлука дека Матановиќ имал контакт со топката, поради што офсајд-позицијата на Пашалиќ стана активна, а голот на Гвардиол беше поништен.
По натпреварот, ФИФА објави официјално соопштение во кое појасни дека сензорот вграден во топката регистрирал допир од Матановиќ. Токму податоците од технологијата потврдиле дека имало контакт со топката, поради што одлуката за поништување на погодокот била целосно исправна.
