Даниел Џејмс од Свонси би можел уште во текот на денешниот ден да го комплетира трансферот во Манчестер јунајтед. Играчот од средниот ред е желба на тренерот на „црвените ѓаволи“, Оле Гунар Солскјер. За преселбата на „Олд Трафорд“, Манчестер треба да плати околу 20 милиони евра.
Играчот е посебно задоволен од условите кои му ги понудија во Манчестер. Неделната плата ќе му биде околу 75.000 евра, што е речиси 17 пати повеќе од тоа што досега го добиваше во Свонси (4.500 евра). Младиот 21-годишен Џејмс минатата сезона беше прекомандуван во првиот тим и не му требаше долго време за да се докаже. Во 33 меча, постигна четири гола, а имаше и девет асистенции, што е одличен биланс за играч од средниот ред.
