Јоаким Лев е соочен со голем проблем пред стартот на квалификациските натпревари за настап на Мундијалот во Катар и веријатно нема да ги повика петмината репрезентативци кои настапуваат во Премиерлигата за дуелите со Исланд на 25. март, три дена подоцна со Романија и на 31. март против Македонија.
Тимо Вернер, Каи Хаверц и Антонио Ридигер од Челзи, потоа и Илкај Гиндоган од Манчестер сити и голманот на Арсенал, Бернд Лено се неизвесни за овие три дуели, ако остане моментната одредба во Англија за задолжителен карантин од 14 дена при напуштањето на земјата.
При враќањето во своите клубови сите петмина би требало да бидат во изолација, што е невозможна опција за Челзи, Манчестер сити и Арсенал, кои веројатно и нема да дозволат играчите што ги плаќаат да не можат да играат цели две седмици во април.
Germany may be without their 5 Premier League players – Gündogan, Werner, Havertz, Rüdiger, Leno against Iceland in Duisburg next week. Again due to the U.K. currently labelled a “mutation zone” in 🇩🇪. Players would have to quarantine 14 days. RKI to update U.K. status on Wed.
— Derek Rae (@RaeComm) March 15, 2021
Лев веројатно ќе мора да бара чаре и да повика замени за англискиот квинтет, а Германците сепак имаат алтернативи за сите наведени играчи и остануваат фаворити за победа против Исланд и Македонија во Дуизбург и со Романија во Букурешт.
