Новак Ѓоковиќ не му даде никаква шанса на Кевин Андерсон да се понадева дека може да направи изненадување, во второто полуфинале на Мастерс турнирот во Лондон. Во меч кој траеше нешто повеќе од еден час, Ѓоковиќ на убедлив начин го победи тенисерот од Јужна Африка со 6:2 и 6:2.
Со оваа победа Ѓоковиќ си обезбеди место во финалето, каде во борба за вредниот трофеј ќе игра против Александер Зверев од Германија. Зверев се избори за финале, откако попладнево со 7:5 и 7:6 го победи фаворизираниот Роџер Федерер.
Сега за Ѓоковиќ останува со победа во финалето на завршниот Мастерс да потврди зошто е најдобар тенисер во светот во моментов.
