Веста што му го скрши срцето на Рикардо Сентурион пристигна утринава од Ланус, во Аргентина, а неговата девојка Мелоди Пасини загина во сообраќајна несреќа.
Сентурион беше во карантин со соиграчите од Велес Сарсфилд, но веднаш замина за Ломас де Замора, каде што е домот на 25-годишната девојка со која беше во врска четири години.
Мелоди од засега непознати причини загубила контрола над возилото, кое скршнало од патот и се забило во паркиран автомобил.
Рикардо е поранешен соиграч на Горан Пандев и одигра два меча за Џенова во 2017 година. Играше и за Бока јуниорс, за Сао Паоло и за уште неколку познати светски клубови.
Сентурион беше и на поширокиот список од 35 играчи на Аргентина за Мундијалот во Русија пред две години, но потоа во следниот филтер испадна и не настапи на последното Светско првенство.