Горан Пандев е фудбалерот којшто остави најголема трага во историјата на овој спорт во Македонија.
Излишно е да се зборува за радостите коишто Гоче ѝ ги донесе на нашата земја, вклучувајќи го меѓу нив и најважниот гол во нашиот фудбал – оној против Грузија, со кој се пласиравме на настан каков што е Европското првенство.
Ако некој заслужува проштален натпревар на Арената „Тодор Проески“, тоа е токму Горан Пандев и ние како нација за последен пат да го отпоздравиме како исчекорува од теренот бидејќи тоа и го заслужува.
Гоче низ својата кариера играше со многу познати фудбалери и ѝ е добро познат на светската фудбалска јавност, особено на онаа италијанската, па може и да се направи една ревијална средба Македонија против остатокот од светот.
Ќе повториме уште еднаш, ако некој заслужува проштален натпревар, тоа е токму Горан Пандев, кој остави длабока трага во нашиот фудбал.
