Во центарот на хрватскиот град Сплит се појави морбиден графит испишан на една фасада од зграда, во кој на српскиот тенисер Новак Ѓоковиќ му се посакува да умре од корона-вирус.
„Да умреш од неа, тоа ни е желба. Поздрав од Сплит, да даде Бог да цркнеш. Ѓоковиќ умри“, пишува на грозоморниот графит.
Сплит е родниот град на Горан Иванишевиќ, човекот кој е тренер на Ѓоковиќ и некогашен тенисер кој го сакаа и во Србија и во Хрватска, исто како што и сега Новак е популарен во двете земји. Сепак, има и исклучоци.