Селекторот на репрезентацијата на Македонија до 21 година, Благоја Милевски, се соочува со хендикеп во пресрет на мечот против селекцијата на Израел У-21 во квалификациите за ЕП 2021.
Централниот дефанзивец Агрон Руфати, еден од клучните играчи на Милевски, се здоби со повреда на денешниот тренинг и ќе го пропушти претпоследниот меч од евроквалификациите, кој е закажан за 12 ноември.
Руфати го пропушти и претходниот дуел против Израел поради суспензија, Милевски беше среќен што за стоперот се врати во селекцијата за последниот циклус, меѓутоа Руфати и овојпат ќе отсуствува од стартните 11.
Дополнително ќе се знае дали Руфати ќе биде подготвен за мечот против Црна Гора, последен од квалификациите, кој е закажан за 17 ноември.