Искусниот јапонски фудбалер, Кеисуке Хонда, денеска беше претставен како нов играч на азербејџанскиот клуб Нефтчи од Баку. Хонда кој има 34 години, се прослави со игрите во ЦСКА Москва и Милан во периодот од 2010 до 2017 година, а во последно време често бара работа и ретко останува во еден клуб подолго од неколку месеци.
После авантурата во Бразил, Хонда се сели во Азербејџан, и до крајот на сезонава потпиша договор со клуб кој има играно против македонски клубови во европските купови. Пред речиси десет сезони, дресот на Нефтчи го носеа екс македонските репрезентативци Славчо Георгиевски и Игор Митрески.