Интернационалниот олимписки комитет, ИОК, привремено го врати Рускиот олимписки комитет и ги отповика сите препораки до меѓународните федерации во врска со учеството на руските спортисти на натпреварите.
Суспензијата на активностите на РОК беше во сила од 12 октомври 2023 година. Оваа одлука е донесена по темелна ревизија од страна на Комисијата за правни работи на МОК, земајќи предвид дека РОК повеќе не вклучува регионални спортски организации на териториите под јурисдикција на Националниот олимписки комитет на Украина. Понатаму, РОК потврди дека не спроведува и нема да спроведува никакви активности на овие територии. Извршниот одбор на ИОК ќе продолжи внимателно да ја следи ситуацијата во врска со сите активности на РОК на овие територии и го задржува правото да преземе дополнителни мерки доколку смета дека е потребно.
Сите руски спортисти кои се враќаат на меѓународните натпреварувања мора да ги почитуваат потребните антидопинг барања, и ќе треба навреме да се организира начинот на кој руските спортисти ќе учествуваат во олимписките квалификации по принципот на еднаквост.
Русите ќе смеат да учествуваат на Олимписките игри во Лос Анџелес 2028 година, но и покрај ова, нема да можат да настапат со своето знаме и химна по дифолт. ИОК ја остави оваа одлука на земјите домаќини на меѓународните натпревари.
