Францускиот весник „Фанс Фудбал“ го направи својот избор за најдобар тим во светот за изминативе 10 години, но многумина сметаат дека во екипата има играчи на кои местото не им е таму.
Според „Франс Фудбал“, во најдобриот тим за изминативе 10 години има место за: Касилјас – голман, Лам, Ван Дајк, Рамос, Марсело – одбрана, Модриќ, Чави, Иниеста – среден ред, Меси, Роналдо, Нејмар – напад.
Според многумина, местото во тимот е незаслужено за централниот дефанзивец на Ливерпул, Вирџил ван Дајк. Не дека Ван Дајк не блеска и не е одличен, но факт е дека Холанѓанецот во врвот на светскиот фудбал се вивна во последниве две-три години, а сепак ова е тим за најдобрите во последните 10 години.
Дилема е и дали голманот Икер Касилјас треба да е на таа позиција. Легендата на Реал Мадрид блескаше и донесе многу трофеи на Реал Мадрид, но, сепак, неговата кариера од 2015 година беше во пад. Касилјас си замина од Реал и бранеше во Порто, тим кој не е на нивото на најдобрите, а португалското првенство не е ниту во Топ 5 во Европа.
Во нападот го сместија Нејмар, заедно со Меси и Роналдо. Неспорен е талентот и квалитетот на Бразилецот, но тој многу често е повреден, знае да биде контроверзен, но неговата популарност веројатно влијаеше да добие место во тимот на деценијата.
L'équipe type FF de la décennie.
Explications > https://t.co/4nN2ks4any pic.twitter.com/Uw5mpVrAcT
— #BallondOr (@francefootball) December 29, 2019
