Поразот на Хетафе на гостувањето кај Бетис со 2:0 беше седми неуспех во низа на тимот од предградието на Мадрид. Екипата на тренерот Мичел не освои ниту еден бод по седумте одиграни кола и тоа е најслабиот старт на еден клуб во последниве 25 години.
Во 1996 година, тимот на Екстрамадура започна со седум порази во низа, а претходно таков анти рекорд имале само уште Сарагоса во 1952 година и Расинг пред речиси 100 години, односно во 1928 година.
7 – Getafe are only the fourth team in LaLiga history to lose each of their opening seven games in a season, after Racing Santander in 1928/29, Real Zaragoza in 1952/53 and Extremadura in 1996/97. Shock.
— OptaJose (@OptaJose) September 26, 2021
По седум одиграни кола, Хетафе има гол-разлика од два дадени и дури 12 примени голови. Играчите на најслабиот тим погодуваат само на мечевите со гигантите Барселона и Атлетико Мадрид (порази од 2:1).
Во следното коло Хетафе на свој терен игра против Сосиедад, тим кој започна одлично и со пет победи, едно реми и само еден пораз моментно е на второто место на табелата со 16 бодови, само еден помалку од лидерот Реал Мадрид.
