Томас Тухел на најдобар можен начин дебитираше на клупата на Баерн Минхен, неговите фудбалери славеа во најголемото германско дерби.
Баварците на „Алијанц арената“ со убедливи 4:2 ја совладаа Борусија Дортмунд и се вратија на лидерската позиција на табелата во Бундеслигата. Баерн сега е лидер на табелата со 55 бода, два повеќе од Борусија Дортмунд, додека Унион Берлин е трет со 51 освоен бод по 26 кола.
Гол серијата беше отворена во 13-та минута со неверојатниот кикс на голманот на Борусија, Грегор Кобел, кој ја промаши топката која од сопствената половина ја упати Дајот Упамекано, и таа заврши во мрежата на Милионерите.
Само пет минути подоцна, Томас Милер зголеми на 2:0, а баварците победата ја обезбедија во првото полувреме откако Милер во 23-та минута зголеми на 3:0.
https://twitter.com/i/status/1642209360615989254
На стартот од вториот дел, во листата на стрелци се запиша и Кингсли Коман.
https://twitter.com/i/status/1642221568901169153
До крајот на средбата, Милионерите успеаја да го ублажат поразот со головите на Емре Џан од пенал и на Мален.