Шпанските медиуми пренесуваат дека Реал Мадрид е во контакт со Арсенал и се обидува да го обезбеди трансферот на италијанскиот репрезентативец Рикардо Калафиори.
Идниот тренер на Кралевите, Жозе Мурињо, наводно изречно го побарал доаѓањето на Калафиори. „Специјалниот“ се враќа на стадионот „Сантијаго Бернабеу“ по реизборот на Флорентино Перес за претседател на клубот.
Договорот околу преземањето на тренерската функција од страна на Мурињо е во завршна фаза, а според информациите на „Скај спорт“, клубот веќе работи на исполнување на неговите желби.
Италијанскиот медиум тврди дека претставници на Реал Мадрид стапиле во контакт со челниците на Арсенал за да добијат информации околу достапноста на Калафиори. Мадридскиот клуб покажал сериозен интерес за негов ангажман ова лето, но засега преговорите не отишле подалеку од почетниот телефонски разговор.
Реал Мадрид планира дополнително да го засили тимот и со ангажманот на десниот бек Дензел Дамфрис од Интер.
Холандскиот репрезентативец би требало да ги напушти Неразурите за сума од околу 20 милиони евра, благодарение на откупната клаузула во неговиот договор која стапи на сила претходно овој месец.
