Талентираниот македонски тенисер, Калин Ивановски, се пласираше во второто коло на јуниорскиот Вимблдон, откако денеска со пресврт го совлада Британецот Лука Поу.
Поу кој има 17 години и е една година помлад од Ивановски, неодамна стана првак на својата земја за играчи до 18 години, а на Вимблдон влезе со вајлд-карта. Британецот го доби првиот сет со 6-3, а потоа македонскиот тенисер беше подобар, и го надигра ривалот со 6-4 и 6-2.
Во второто коло, противник на Ивановски ќе му биде Мексиканецот Пачеко кој е 11-ти носител, или италијанскиот Белгиец Базиле.