Челзи синоќа го победи Атлетико Мадрид со 2:0 и се пласираше во четвртфиналето од Лигата на шампиони. Иако не даде гол, еден од најзаслужните за победата на лондонскито тим е Н’голо Канте. Играчот кој е „мотор“ во екипата на Челзи во текот на сите 90 минути беше речиси секаде на теренот каде што беше потребно.
Против Атлетико Мадрид успеа 13 пати да го врати поседот на топката на својот тим, имаше две директно освоени топки, седум дриблинзи, две клучни додавања и дури 88 отсто успешни пасови кон соиграчите.
Како врв на одличната игра во текот на целиот меч, Канте во последната минута од дуелот покажа дека иако повеќе од 90 минути трча на теренот, нема проблем да направи спринт кога треба да се направи контра напад. Канте беше пред својот шеснаесетник кога Челзи ја освои топката и домаќините тргнаа во контра напад.
N’Golo Kanté, who played the entire game, sprinted the length of the pitch in the 94th minute to provide a dummy run so Chelsea could score.
What a player 🙌 pic.twitter.com/JQ18UNDaM7
— ESPN FC (@ESPNFC) March 17, 2021
Канте без размислување тргна во напад и со него „повлече“ противнички играчи, со што се отвори простор за Емерсон да погоди. На снимката се гледа дека на Канте му беа потребни само осум секунди за да претрча повеќе од 70 метри и тоа по 90 минути трчање на теренот, што само е потврда за неговата физичка подготовеност.
https://twitter.com/i/status/1372352345695252482