По многу нешта ќе се памти дуелот меѓу Португалија и Хрватска. Освен драмата по која се случи во финишот, голот на Португалија што донесе многу радост за нив и поништениот погодок на Хрватска за разочарување на Коцкестите.
Во двете селекции со капитенските ленти беа фудбалери кои се вистински легенди на светскиот фудбал, Кристијано Роналдо и Лука Модриќ. Двајцата може да се пофалат дека имаат одиграно преку 200 натпревари во дресовите на своите национални тимови, што доволно кажува колку значат за Португалија и Хрватска.
Овој меч од нокаут фазата меѓу овие две селекции сега е историски и по уште еден податок. За прв пат во историјата на Мундијалите на терен имаше двајца фудбалери кои имаа 40+ години. Роналдо има 41 година и 147 денови, додека Модриќ е нешто помлад и тој во септември ќе наполни 41 година.
Роналдо и Модриќ многу добро се познаваат уште од времето кога заедно играа за Реал Мадрид. По денешниот меч, двајцата капитени се сретнаа и си разменија зборови, а Кристијано потоа откри што му кажал на Лука.
„Толку многу години играв заедно со Модриќ. Убаво е да се види дека уште игра на врвно ниво. Му реков, честито Лука и со среќа во понатамошната кариера“, рече Роналдо, кој со погодокот постигнат од пенал против Хрватска стана и најстариот фудбалер кој дал гол во нокаут фаза на СП.
🚨 Cristiano Ronaldo: “I played many years with Modrić, it’s great to see him still playing at top level”.
“I told him: congrats Luka, good luck for the future of your career”. 🇵🇹🇭🇷 pic.twitter.com/YzgIMXdcu8
— Fabrizio Romano (@FabrizioRomano) July 3, 2026
