Фудбалерите на Валенсија морале да го доиграат мечот со Кадис вечерва, по големиот инцидент и навредите на расна основа насочени кон Муктар Дијакаби, откако официјалните лица и раководството на Ла Лига им се заканиле дека ќе загубат со службен резултат.
Шпанскиот репрезентативец Хозе Гаја откри дека тој и соиграчите морале да се вратат на терен откако го напуштија во 32-рата минута, во знак на поддршка кон Дијакаби.
Играчите на двата тима реагираа навремено, а потоа Дијакаби се пожали дека бил навредуван вербално од Кала на расна основа. Гостите го напуштија теренот, но се вратија, а Гаја изјави дека тоа било и поради заканата дека ќе загубат со службен резултат ако не го доиграат натпреварот.
Gaya says Valencia went back out because they were told they had to or they would lose three points.
— Sid Lowe (@sidlowe) April 4, 2021
Дијакаби, кој одби да продолжи, ги молел соиграчите да се вратат на терен и да продолжат со настапот на „Рамон де Каранца“ во Кадис.
Мечот заврши со победа на домаќините од 2:1, но по откритието на Гаја и на играчите на Валенсија, се чини дека мечот ќе има и трето полувреме.
Од Валенсија објавија дека го доиграле мечот за да ја спасат честа на клубот, но и најавија дека ќе му помогнат на Дијакаби за да се докаже дека бил навредуван на расна основа.
Valencia captain José Gayà says his team went back out to play because they were told they had to or they would lose three points. pic.twitter.com/kArRxyLuAU
— Footy Accumulators (@FootyAccums) April 4, 2021
